Tarjuma e Kanzul Imaan wa Tafseer e Khazaain ul Irfaan #627

Tarjuma e Kanzul Imaan wa Tafseer e Khazaain ul Irfaan #627.

بسم الله الرحمن الرحيم
Assalatu Wassalamu Alayka Ya RasoolAllah ﷺ

▶Note-: Quraan e paak ke tarjume ko bagair wazu na chhue, Parh sakte hai.

Surah Baqrah Shareef
Aayat No. 284

▶ Tarjuma - Allah ke naam se shuru jo bahut meharban Rehmat wala.
1⃣ Allah hi ka hai jo kuch aasmano mein hai aur jo kuch zameen mein hai aur agar tum zahir karo jo kuch.
2⃣ Tumhare ji mein hai ya chhupao Allah tumse uska hisaab lega.

▶ Tafseer
1⃣ Badi
2⃣ Insan ke dil mein do tarah ke khayalaat aate hai ek bataure waswasa ke unse dil ka khaali karna insaan ki maqdarat mein nahi lekin woh unko bura jaanta hai aur amal mein lane ka iraada nahi karta unko Hadeese nafs aur waswasa kehte hai is par muwakhza nahi Bukhari wa Muslim ki Hadees hai Sayyade Aalam ﷺ ne farmaya ki meri ummat ke diloñ mein jo waswasa guzarte hai Allah Ta'ala unse tajawuz farmata hai jabh tak ki woh unhein amal mein na laate ya unke saath kalaam na kare yeh waswase is Aayat mein daakhil nahi doosre woh khayalaat jinko insan apne dil mein jagah deta hai aur unko amal mein laane ka kasd wa iraada karta hai unpar muwakhja hoga aur unhi ka bayan is Aayat mein hai.
▶ Masla – Kufr ka ajm karna kufr hai aur gunah ka ajm karke agar aadmi is par saabit rahe aur iska kasd wa iraada rakhe lekin us gunah ko amal mein laane ke asbaab usko baham na pahuche aur majburan woh usko kar na sake to jamhoor ke nazdeek us se muwakhja kiya jaaye Shaikh Abu Mansoor Maaturidi Ayimma halwayi isi taraf gaye hai aur unki daleel Aayat "Innal-lazi-na An Tushi' Al faahi-sha-ha" aur Hadeese Hazrate Aayesha hai jiska mazmoon yeh hai ki banda jis gunah ka kasd karta hai agar woh amal mein na aaye jabh bhi us par aikaab kiya jaata hai.
▶ Masla – Agar bande ne kisi gunah ka iraada kiya phir us par naadim huwa istigfaar kiya to Allah usko maaf farmayega.

〰〰 to be contd.