Tarjuma e Kanzul Imaan wa Tafseer e Khazaain ul Irfaan#630

Tarjuma e Kanzul Imaan wa Tafseer e Khazaain ul Irfaan #630.

بسم الله الرحمن الرحيم
Assalatu Wassalamu Alayka Ya RasoolAllah ﷺ

▶Note-: Quraan e paak ke tarjume ko bagair wazu na chhue, Parh sakte hai.

Contd. Post # 629.
Surah Baqrah Shareef
Aayat No. 285

▶ Tarjuma - Allah ke naam se shuru jo bahut meharban Rehmat wala.
2⃣ Allah aur uske farishto aur uski kitaaboñ aur uske Rasooloñ ko.

▶ Tafseer
2⃣ Yeh usool wa zaruriyat e imaan ke chaar martabe hai,
1. Allah par Imaan laana yeh is tarah ki aitekaad wa tasdeek kare ki Allah wahi ahad hai uska koi shareeq wa nazeer nahi uske tamaam Asma e Husna wa Sifaate Uliya par imaan laaye aur yakeen kare aur maane ki woh Aleem aur har shaye par Qadeer hai aur uske Ilm wa Qudrat se koi cheez bahar nahi.
2. Malayka par imaan lana yeh is tarah par hai ki yakeen kare aur maane ki woh maujud hai masoom hai paak hai Allah ke aur uske Rasooloñ ke darmiyan ahkaam wa pyaam ke wasayeet hai.
3. Allah ki kitaaboñ par imaan lana is tarah ki jo kitaabe Allah Ta'ala ne naazil farmayi aur Apne Rasooloñ ke paas batareek e wahi bheji be shak wa shubaha sab haq wa sidq aur Allah ki taraf se hai aur Quraane kareem tagayeer tabdeel tahreef se mahfooz hai aur mohkam aur mutashabah par mushtamil hai.
4. Rasooloñ par imaan lana is tarah par ki imaan laaye ki woh Allah ke Rasool hai jinhe usne apne bandoñ ki taraf bheja uski wahi ke Ameen hai gunahoñ se paak masoom hai saari khalq se afzal hai unme baaz hazraat baaz se afzal hai.

〰〰 to be contd.