Tarjuma e Kanzul Imaan wa Tafseer e Khazaain ul Irfaan #623

Tarjuma e Kanzul Imaan wa Tafseer e Khazaain ul Irfaan # 623.

بسم الله الرحمن الرحيم
Assalatu Wassalamu Alayka Ya RasoolAllah ﷺ

▶Note-: Quraan e paak ke tarjume ko bagair wazu na chhue, Parh sakte hai.

Contd. Post # 621 & 622
Surah Baqrah Shareef
Ayat No. 282

▶ Tarjuma - Allah ke naam se shuru jo bahut meharban Rehmat wala.
7⃣ fir agar do mard naa ho to
8⃣ to ek mard aur do aurate aise gawah jinko pasand karo
9⃣ ki kahi unme ek aurat bhule to us ek ko dusri yaad dilawe aur gawah jabh bulaye jaaye to aane se inkar na kare

▶ Tafseer
7⃣ Masla – Tanha auraton ki shahadat jayaz nahi khwaah wo 4 kyu na ho magar jin umoor par mard muttala'a nahi ho sakte jaise ki baccha janna baakira hona aur nesayi uyoob usme ek aurat ki shahadat bhi maqbool hai
▶ Masla – Hudood wa kasam mein aurato ki shahadat bilkul motebar nahi sirf mardo ki shahadat zaruri hai iske siwa aur mu'aamlat mein ek mard aur do aurato ki shahadat bhi maqbool hai ( # Madariq wa Ahemadi )
8⃣ Jinka aadil hona tumhe maloom ho aur jinke saaleh hone par tum aitemaad rakhte ho
9⃣ Masla – Is aayat se maloom hua ki ada e shahadat farz hai jab mudaayi gawaho ko talab kare to unhe gawahi ka chhupana jayaz nahi ye huqm hudood ke siwa aur umoor mein hai lekin hudood mein gawah ko izhaar wa ikhfa ka ikhtiyar hai balqi ikhfa azal hai Hadees Shareef mein hai Sayyade Aalam ﷺ ne farmaya jo musalman ki parda poshi kare Allah Tabarak wa Ta'ala duniya wa aakhirat mein uski sattari karega lekin chori mein maal lene ki shahadat dena wajib hai taaqi jis ka maal chori gaya uska haq latf na ho gawah itni ehtiyaat kar sakta hai ki chori ka lafz na kahe gawahi mein ye kehne par iqtefa kare ye maal falan shakhs ne liya

〰〰 to be contd.