Shaan e Imam e Ahle Sunnat Mujaddid e Deen o Millat Aala Hazrat Imam Ahmed Raza khan #600

Shaan e Imam e Ahle Sunnat Mujaddid e Deen o Millat Aala Hazrat Imam Ahmed Raza Khan #600.

Saadat e Kiram ki tazeem ke hawale se Aala Hazrat Azeem ul Barkat رضي الله عنه farmate hai ke yeh fakeer saadat e kiram ka adna gulam hai unki muhabbat wa azmat zariya e naja'at wa shafa'at janta hai aur apni kitabo mein yeh fakeer likh chuka hai ke Sayyed ki tazeem hum par har haal mein lazim hai.

Aur yeh bhi fakeer baarhañ fatwa de chuka hai ke kisi ko Sayyed samajhne aur uski tazeem karne ke liye hamein apni zaati ilm se usse Sayyed janna zaroori nahi jo log Sayyed keh laye jaate hai hum unki tazeem karenge hame tehkikat ki haajat nahi naa siyadat ki sanad mangne ka hum ko hukm diya gaya hai.

Jiski nisbat hamein khoob tehkeek malum ho ke yeh Sayyed nahi aur Sayyed ban kar ghume uski tazeem naa karenge naa usse Sayyed kahenge aur jo aise logoñ se naa wakeef ho unhein aagah karenge iss talluk se Sarkar e Aala Hazrat رضي الله عنه ek hikayat naql farmate hai:

Ek Shakhs kisi Sayyed se uljha unhone farmaya mein Sayyed hu to uss shakhs ne kaha kya sanad hai tumhare Sayyed hone ki?
Raat mein jabh woh soya to Ziyarate e Akdas ﷺ se musharraf huwa, Hashr ka maidaan hai aur yeh bhi shafa'at ka talabgar huwa aur arz karta hai Huzoor ﷺ maiñ aapka ummati hu to farmaya kya sanad hai tere ummati hone ki ?

Allahu Akbar Allahu Akbar

#Fatawa Razviya Shareef, Jild 12, Safah 120.




Sent from my iPhone