Friday, March 27, 2015

Mea'raj Ka Tohfa Namaaz. 186

SHARE
بسم الله الرحمن الرحيم

Assalatu Wassalamu Alayka Ya RasoolAllah 

Mea'raj Ka Tohfa Namaaz.

Namaaz ke kuch zaroori masail.

Sajde mein dono pairon ki dason ungliyon ka pait zameen par lagna sunnat hai aur har pair ki teen teen ungliyon ka zameen par lagna wajib hai.
Sajde mein kam az kam ek martaba 'subhanAllah' kehle itni deir thehairna waajib hai.
Dono sajdon ke beech mein yani jalse mein 'Allahummagfirli' kehna mustahab hai.
Kisine do ke badle teen sajde kar liye aur salaam pherne se pehle yaad aa gaya to sajda e sahw kare kyu ki waajib chuta farz ada ho gaya.
Ek masala zehen mein bitha lein ke jabh bhi koi wajib chuthega to sajda e sahw waajib hoga aur sajda e sahw bhi na kiya chahe bhool kar ya jaan bujkar to namaaz phirse padhni hogi. Aur jabh bhi farz ki adaayegi me itni der ho jaaye ke 3 martaba 'SubhanAllah' keh le to sajda e sahw wajib hoga.
Do farz do waajib ya waajib aur farz ke beech mein itni deir ho ke itni deir mein 3 martaba 'SubhanAllah' kaha ja sakta hai to sajda e sahw waajib ho jaayega aur na kiya to namaaz phirse padhni hogi.


Tamaam musalmaaon se guzarish hai ke namaaz ke faraaiz aur waajibaat ko yaad kar le. Jabh tak yeh yaad na hoga humein pata hi nahi chalega ke humari namaaz huwi ya dohrana hai.
This entry was posted in

0 comments:

Post a Comment