بسم الله الرحمن الرحيم
Assalatu Wassalamu Alayka Ya RasoolAllah ﷺ
Assalatu Wassalamu Alayka Ya RasoolAllah ﷺ
Book - TAMHEED E IMAAN By Imam Ahmed Raza Khan Alaihir Rahma
Tumhara RAB azz wa jall farmata hai:
"Aye Imaan walon! Apne Baap apne bhaiyyon ko dost na banao agar wo Imaan par Kufr pasand karein aur tum mein jo unse rafaaqat karein wohi log sitamgaar Hain.”
Aur Farmaata Hai:
“Aye Imaan waalon! Mere aur apne dushmanon ko dost na banao. Tum chhup kar unse dosti karte ho aur Main Khoob jaanta hoon jo tum chhupaate aur jo zaahir karte ho aur tum mein jo aisa karega wo zaroor Seedhi raah se behka.
Tumhare Rishte aur Tumhare bacche tumhein kuch nafa na denge, Qayaamat ke din tum mein aur Tumhare pyaaron mein judaayi daal dega ke tum mein ek doosre ke kuch kaam na aa sakega aur ALLAH Tumhare aamaal ko dekh raha hai.”
Aur Farmaata hai:
“Jo tum mein unse dosti karega to beshak woh unhi mein se hai. Beshak ALLAH Hidaayat Nahi karta Zaalimon ko.”
Pehli do Aayaton mein to unse dosti karne walon ko zaalim wa gumraah hi farmaya tha. Is aayat-e-kareema ne bilkul tasfiya farma diya ke jo unse dosti rakhe wo bhi unhi mein se hai. Unhi ki tarah kaafir hai, Unke sath ek rassi mein baandha Jaayega aur woh koda bhi.
Yaad rakhiye ke Tum chhup chhup kar unse mel rakhte ho aur Main Tumhare chhupe zaahir sab ko Khoob jaanta hoon.
Ab woh rassi bhi sun lijiye jis mein RASOOLALLAH sallallahu Alaihi wa Aalihii Wasallam ki Shaan-e Aqdas mein gustaakhi karne waale baandhe jayenge.
Wal- Ayaaz billaahi ta’ala.
0 comments:
Post a Comment