Namaz e jumma ke fazaeel aur masaeel 270 Namaaz jumaah ke fazaail

بسم الله الرحمن الرحيم

Assalatu Wassalamu Alayka Ya RasoolAllah ﷺ

⏩Namaaz jumaah ke fazaail.

▶Huzoor ﷺ farmate hai jab jumaah ka din aata hai toh masjid ke bahar darwaze par farishte aanewale ko likhte hai.
Jo pehle aaye usko pehle likhte hai.
Jaldi aanewala us shakhs ki tarha hai jo Allah ki raah me ek uunt sadqa karta hai.
Us ke baad aanewala us shakhs ki tarha hai jo ek gaay sadqa karta hai.
Us ke baad aanewala us shakhs ki tarha hai jo mendha sadqa kare.
Phir jo aaye wo aisa ke jo murgi sadqa kare. Phir us ki tarha hai jo anda sadqa kare.
Aur jab imam khutbe ke liye beth jata hai toh farishte aamaal naame ko lapet lete hai aur aakar khutba sunte hai.

#Sahih bukhaari
Jild:1, safa:128

▶ Mufti Ahmed yaar khan naimi alaihi rehmah farmate hai baaz ulama ne farmaya
Farishte jumaah ke din tulu e fajr se khade hote hai. kuch ke nazdik suraj chamakne se,magar Haq ye hai ke suraj dhalne se shuru hote hai kyunki usi waqt se jumah ka waqt shuru hota hai.
Malum hua ke farishte sab aanewaalo ke naam jante hai. Yaad rahe ke agar pehle aanewaalo me 100 aadmi ek sath masjid me aaye toh sab ke sab pehle hai.

▶Imaam gazaali alaihi rehmah farmate hai ke pehli sadi me sehri ke waqt aur fajr ke baad raaste logo se bhare hote the log chiraag lekar jaama masjid ki taraf jaate jaise eid ka din ho.
Afsos ab subha sawere hum bazaro ki taraf jaate hai  aur kitne toh 9 baje ke baad hi sokar uthte hai.
Allah dil o nazar ki paakeezgi ataa farmaye.

#Ihyaul ulum
Jild:1, safa:246
Miraat
Jild:2 safa:340.