Tarjuma e Kanzul Imaan wa Tafseer e Khazaain ul Irfaan # 482.

Tarjuma e Kanzul Imaan wa Tafseer e Khazaain ul Irfaan # 482.

بسم الله الرحمن الرحيم
Assalatu Wassalamu Alayka Ya RasoolAllah ﷺ

▶Note-: Quraan e paak ke Tarjume ko bagair wazu na chhue, Parh sakte hai.

Surah Baqrah Shareef.
Aayat No. 174 & 175.

▶ Tarjuma - Allah ke naam se shuru jo bahut meharban Rehmat wala.
1⃣ Wo jo chupate hai.
2⃣ Allah ki utaari kitaab aur uske badle Zaleel keemat le lete.
3⃣ Wo apne peit mein aag hi bharte hai, aur Allah Qiyamat ke din unse baat na karega aur na unhe suthra kare aur unke liye dardnaak azaab hai, wo log hai jinhone hidayat ke badle gumrahi mol'li aur bakhshish ke badle azaab to kis darja unhe aag ki sahaar (bardasht) hai.

▶ Tafseer
1⃣ Shaane Nuzool yahood ke aulma wa ru'asa jo ummeed rakhte the ki Nabi e Aakhiruz'zama ﷺ unmein se mab'oos hoñge jabh unhone dekha ki Sayyade Aalam Muhammed Mustafa ﷺ doosri qaum mein se Mab'oos farmaye gaye to unhe ye andesha huwa ki log Tauret wa Injeel mein Huzoor ﷺ ke Ausaaf dekh kar Aap ﷺ ki farmabardari ki taraf jhook padeñge aur unke nazraane hadiye tohfe tahaeef sabh band ho jayenge huqumat jaati rahegi is khayal se unhe hasad paida huwa aur Tauret wa Injeel mein jo Huzoor ﷺ ki naat wa sifa'at aur Aap ﷺ ke Waqt e Nubuwwat ka bayan tha unhone usko chupata is par ye Aayat e Kareema naazil huwi.
▶ Masla- chupana yeh bhi hai ke kitaab ke mazmoon par kisi ka Muttala'a na hone diya jaaye na woh kisi ko parh kar sunaya jaaye aur na dikhaya jaaye aur yeh bhi chupana hai ki galat taaweele karke maana badalne ki koshish ki jaaye aur kitaab ke asal maana par parda daala jaaye.
2⃣ Yaani duniya ke haqeer nafaa ke liye ikhfa e Haq karte hai.
3⃣ Kyuki yeh rishwate aur ye maal haraam jo haq poshi ke aiwaz unhone liya hai unhe aatishe jahannam mein pahuchaega.