Tarjuma e Kanzul Imaan wa Tafseer e Khazaain ul Irfaan #564

Tarjuma e Kanzul Imaan wa Tafseer e Khazaain ul Irfaan #564.

بسم الله الرحمن الرحيم
Assalatu Wassalamu Alayka Ya RasoolAllahﷺ

▶Note-: Quraan e paak ke tarjume ko bagair wazu na chhue, Parh sakte hai.

Surah Baqrah Shareef
Aayat No. 236.

▶ Tarjuma - Allah ke naam se shuru jo bahut meharban Rehmat wala.
1⃣ Tum par kuch mutalba nahi.
2⃣ Agar tum auratoñ ko talaaq do jabh tak tumne unko haath na lagaya ho ya koi mahar muqarrar kar liya ho.
3⃣ Aur unko kuch baratne ko do.
4⃣ Maqdoor wale par uske laayak aur tangdast par uske laayak hasbe dastoor kuch baratne ki cheez yeh waajib hai bhalayi waalo par.

▶ Tafseer
1⃣ Maher ka.
2⃣ Shaane Nuzool yeh Aayat ek Ansari ke baab mein naazil huwi jinhone Qabeela bani Haneefa ki ek aurat se Nikah kiya aur koi maher muayyan na kiya phir haath lagane se pehle talaaq de di.
▶ Masla – Isse maloom huea ki jis aurat ka maher muqarrar na kiya ho agar usko haath se pehle talaaq di to maher laazim nahi haath lagane se mujama'at muraad hai aur khalwate sahiha isi ke hukm mein hai yeh bhi maloom huwa ki be zikre maher bhi Nikah durust hai magar is surat mein baade nikah maher muayyan karna hoga agar na kiya to baade dukhal mahere misl laazim ho jaayega.
3⃣ Teen kapdo ka ek jodaa.
4⃣ Jis aurat ka maher muqarrar na kiya ho aur usko qable dukhul talaaq di ho usko to joda dena waajib hai aur iske siwa har mutallaqa ke liye mustahab hai. ( #Madarik)