Tarjuma e Kanzul Imaan wa Tafseer e Khazaain ul Irfaan #489.

Tarjuma e Kanzul Imaan wa Tafseer e Khazaain ul Irfaan #489.
Contd Post #487, #488

بسم الله الرحمن الرحيم
Assalatu Wassalamu Alayka Ya RasoolAllahﷺ

▶Note-: Quraan e paak ke Tarjume ko bagair wazu na chhue, Parh sakte hai.

Surah Baqrah Shareef.
Aayat No. 178

▶ Tarjuma - Allah ke naam se shuru jo bahut meharban Rehmat wala.
4⃣ To jiske liye uske bhai ki taraf se kuch maafi huwi.
5⃣ To Bhalayi se takaaza ho aur acchi tarah adaa yeh tumhare Rabb ki taraf se tumhara bojh halka karna hai aur tum par Rehmat to iske baad jo zyadati kare uske liye dardnaak azaab hai.

▶ Tafseer
4⃣ Maana yeh hai ki jis qaatil ko Wali e Maqtool kuch maaf kare aur uske zimma maal laazim kiya jaaye us par awliya e maqtool taqaaza karne mein neik rawish ikhtiyar kare aur qaatil khooñ baha khush Mu'aamalagi ke saath adaa kare isme sulah bar maal ka bayan hai. ( #Tafseer Ahmedi)
▶ Masla – Wali e Maqtool ko ikhtiyaar hai khwaah qaatil ko be Aiwaz Maaf kare Ya maal par sulah karle agar wo iss par raazi na ho aur qisaas chahe to qisaas hi farz rahega. (#Jumal)
▶ Masla – agar maqtool ke tamaam awliya qisaas maaf kar de to qaatil par kuch laazim nahi rehta.
▶ Masla – Agar maal par sulah kare to qisaas saaqit ho jaata hai aur maal waajib hota hai. ( #Tafseer Ahmedi)
▶ Masla- Wali e Maqtool ko qaatil ka bhai farmane mein dalalat hai is par ki qatl garche bada gunah hai magar usse akhuwate imaani qata'a nahi hoti isme khawarij ka ibtaal hai jo murtaqibe qabeera ko kaafir kehte hai.
5⃣ Yaani ba-dastoor jaahiliyat gair qaatil ko qatl kare ya diyat qubool karne aur maaf karne ke baad qatl kare.