Sunday, February 28, 2016

Tarjuma e Kanzul Imaan wa Tafseer e Khazaain ul Irfaan #560

SHARE
Tarjuma e Kanzul Imaan wa Tafseer e Khazaain ul Irfaan #560.

بسم الله الرحمن الرحيم
Assalatu Wassalamu Alayka Ya RasoolAllahﷺ

▶Note-: Quraan e paak ke tarjume ko bagair wazu na chhue, Parh sakte hai.

Contd. Post # 559.
Surah Baqrah Shareef
Aayat No. 233.

▶ Tarjuma - Allah ke naam se shuru jo bahut meharban Rehmat wala.
2⃣ Poore do baras uske liye jo doodh ki muddat poori karni chaahe.
3⃣ Aur jiska baccha hai.
4⃣ Us par auratoñ ka khana aur pehan'na hai hasbe dastoor.

▶ Tafseer
2⃣ Yaani is muddat ka poora karna laazim nahi agar bacche ki zarurat na rahe aur doodh chhudane mein uske liye khatra na ho to isse kam muddat mein bhi chhudana jayaz hai ( #Tafseer Ahemadi Khaazin Waghairah )
3⃣ Yaani waalid is andaaze bayan se maloom huwa ki nasab baap ki taraf ruju'u karta hai.
4⃣ Masla – Bacche ki parwarish aur usko doodh pilwana baap ke zimma wajib hai iske liye woh doodh pilane wali muqarrar kare lekin agar Maa apni ragabat se bacha ko doodh pilaye to mustahab hai.
▶ Masla – Shohar Apni jauza par baccha ke doodh pilane ke liye jabr nahi kar sakta aur na aurat shohar se baccha ke doodh pilane ki ujrat talab kar sakti hai aur jab tak ki uske nikah ya iddat mein rahe.
▶ Masla – Agar baap ne kisi aurat ko apne Bacche ke doodh pilane par ba-ujrat muqarrar kiya aur uski Maa usi ujrat par ya be muaa'waza doodh pilane par Raazi huwi to Maa hi doodh pilane ki zyaada mustahiq hai aur agar Maa ne zyada ujrat talab ki to Baap ko usse doodh pilwane par majboor na kiya jaayega. ( #Tafseer Ahemadi wa Madariq) Alma'aroof se muraad ye hai ki hasbe haisiyat ho baghair tangi aur fuzool kharchi ke.

〰〰 to be contd.

0 comments:

Post a Comment