Shaan e Ahle Bait #579

Shaan e Ahle Bait #579.


بسم الله الرحمن الرحيم
Assalatu Wassalamu Alayka Ya RasoolAllahﷺ

Madina Shareef ke baad Makkah Muazzama par hamla

Yazeediyon ne Madina Shareef mein jo mazaalim kiye isse pehle ke message mein aapne padha abh Madine ke fazaail dekhein Aaqa ﷺ farmate haiñ

Joh madine ke rehne waaloñ se dhoka fareb kare ya jung kare, woh is tarah pighal jaega ke jaise pani mein namak pighalta hai.

Jo Madine waaloñ ke saath burayi ka iraada karega Allah ﷻ usko jahannam ki aag mein rangaa ek naram dhaat qalai ki tarah pighlaayega

Jisne madine waaloñ ko apne zulm se daraya Allah ﷻ usko khauf mein daal dega aur us par Allah ﷻ Farishte aur sabh logoñ ki laanat hai qayamat ke din Allah ﷻ uski koi ibaadat qubool nahi karega na farz na nafl.

Madine ke baad phir yazeedi Makkah Shareef ki taraf badhe aur Makkah par hamla kar diya Makkah waaloñ ne yazeed ki bait todh di aur Hazrat Abdullah bin Zubair se bait kar li Aur inki fauj ne yazeedi fauj ka muqaabla kiya din bhar jung huwi koi nateeja na nikla doosre din pahaad ki unchayi par manjaniq patthar phenk ne ki us daur ki machine fix ki aur us se haram shareef par bade bade patthar barsaane lage jisse haram ka sehen pattharon se bhar gaya Kaaba Shareef ki deewarein tootne lagi Chhat gir gayi Patthar ke saath saath rooi, gandhak, raal ke gole jalaa jalaa kar Haram mein pheñkne lage jis se khaana e kaaba mein aag lag gayi aur ghilaaf jal gaya.

Makkah ke logoñ ka gharoñ se nikalna mushkil ho gaya do mahine tak shaami lashkar Kaaba Shareef ki be hurmati karte rahe phir yazeed aise marz mein mubtila huwa ke uska poora jism sad'dh gaya pyaas ki shiddat mehsoos hoti pani pani chillata log usse pani dete to har booñdh uske galey mein teer ki tarah chubti aur aise ceekhta chillata 64 hijri mein 15 rabiul awwal ko 39 saal ki umar mein yazeed ki maut huwi aur phir shaamiyon ki himmat toot gayi aur woh bhaage Makkah waaloñ ko unse najaat mili Yazeed ne qul 3 saal 7 mahine tak hukumat ki maut ke waqt us ke takiye k paas sharaab ka bartan labalab bhara huwa rakha tha aur gaane waali saarangi haath mein liye huwe ro rahi thi.

#Khutbaat e Muharram.