Shaan e Ahle Bait #581

Shaan e Ahle Bait #581.

بسمالله الرحمن الرحيم
Assalatu Wassalamu Alayka Ya RasoolAllahﷺ


Ek din mukhtaar saqafi ne kaha ke kal maiñ ek aise shakhs ko qatl karuñga ke tamaam Momin aur Farishte khush hoñge wahañ baithe huwe logoñ mein se ek aadmi ne samaj liya ke umar ibne saad maara jaayega usne ghar pahuch kar apne bete ko bhej kar ye khabar ibne saad ko pahucha di.

Ibne saad ne inkaar kiya ke mujhe woh qatl nahi karega.

Doosre din mukhtaar ne ibne saad ko bulaya toh uss ne apne bete ko bhej diya.

Kahañ hai tera baap jisne Ray (shehair ka naam) ki hukumat ke liye farzande Rasool ﷺ ka khoon bahaaya aur abh ghar mein baith gaya? Uske bete ne kaha ke abh woh gosha nasheen ho gaye hai.

Mukhtaar ne kaha Imam ki shahaadat ke waqt kyu gosha nasheen nahi huwa tha? Phir usne kuch logoñ ko bheja ke ibne saad ka sar kaat kar le aaye sar kaat kar laaya gaya to bete ne bola ke yeh mere baap ka sar hai aur abh jeene mein kuch mazaa nahi mukhtaar ne uss ke bete ka sar bhi kaat diya aur bola
Tera sar Ali Akbar ke badle hai aur agar mein 3 daste (groups) maar dun to bhi Hussain ki ungliyo ka badla bhi nai ho sakta phir khooli ki baari aayi.

Khooli woh kameena hai jisne Imam ke Sar e Anwar ko jisme aqdas se alag kiya tha.

Mukhtaar ne usse giraftaar karne ke liye dasta bheja toh chup gaya aur biwi se kaha ke naa keh de ke maiñ ghar par nahi hu
(jab Imam ka Sar e Mubarak laaya tha to biwi tab se hi shohar ki dushman ho gayi thi)

Jabh sipaahi ne pucha to zabaan se naa boli aur ishaare se bata diya. Usko giraftaar karke le gaye.
Mukhtaar ne uss ke ghar waloñ ko bula kar aam logoñ ke saamne uska sar jism se judaa kar diya aur uski laash ko jalaa di.

#Khutbaat e Moharram.