Tarjuma e Kanzul Imaan wa Tafseer e Khazaain ul Irfaan #743.

Tarjuma e Kanzul Imaan wa Tafseer e Khazaain ul Irfaan #743.

بسم الله الرحمن الرحيم
Assalatu Wassalamu Alayka Ya RasoolAllah ﷺ

▶Note-: Quraan e paak ke tarjume ko bagair wazu na chhue, Parh sakte hai.

Surah Aale Imran
Paara No. - 04 Ruku - 05
Aayat No. 136.

▶ Tarjuma - Allah ke naam se shuru jo bahut meharban Rehmat wala.
1⃣ Aisoñ ko badla unke Rab ki bakhshish aur Jannateiñ hai.
2⃣ Jinke niche nehre rawaañ hamesha un mein rahe aur kaamiyoñ ( Neik Logoñ ) ka kya accha neg ( Inaam , Hissa ) hai.

▶ Tafseer
1⃣ Shaane Nuzool Taihaan Khurma Farosh ke paas ek haseen aurat khurme kharidne aayi usne kaha yeh khurme to acche nahi hai umda khurme makaan ke andar hai aur is heele se usko makaan mein le gaya aur pakad kar lipta liya aur muñh choom liya aurat ne kaha Khuda se dar yeh sunte hi usko chordh diya aur sharminda huwa aur Sayyade Aalam ﷺ ki khidmat mein haazir ho kar haal arz kiya is par yeh Aayat Naazil huwi ek qaul yeh hai ki ek Ansari aur ek Safaqi dono mein muhabbat thi aur har ek ne ek doosre ko bhai banaya tha Safaqi jihad mein gaya tha aur apne makaan ki nigrani apne bhai Ansari ke supurd kar gaya tha ek roz Ansari gosht laaya jabh Safaqi ki aurat ne gosht lene ke liye haath badhaya to Ansari ne uska haath choom liya aur choomte hi usko sakht nadaamat aur sharmindagi huwi aur woh jungle mein nikal gaya apne sar par khaaq daali aur muñh par tamache maare jabh Safaqi jihad se wapas aaya to usne apni biwi se Ansari ka haal dariyaft kiya usne kaha Khuda aise bhai na badhaye aur waaqiya bayaan kiya Ansari pahado mein rota wa istigfaaro tauba karta phirta tha Safaqi usko talaash karke Sayyade Aalam ﷺ ki khidmat mein laaya uske haq mein yeh Aayat naazil huwi.
2⃣ Yaani itaa'at she'aaroñ ke liye behtar jazaa hai.