Shaan e Ahle Bait#554

Shaan e Ahle Bait # 554.

بسم الله الرحمن الرحيم
Assalatu Wassalamu Alayka Ya RasoolAllahﷺ

⏩ Hazrat e Muslim رضي الله عنه ki talaash aur Haani ki giraftaari governor house ka gheraaw kuufiyon ki gaddaari.

▶ Hazrat e Muslim ki talaash shuru huwi aur shaami jasoos ke zariye pata chala ke Hazrat e Haani ke ghar thehre huwe hai. Jasoos aqidatmand ban kar wahañ roz haazri deta raha.

Ek din Hazrat e Haani ko bulaya gaya aur pucha gaya ke Muslim kahañ hai to aap inkaar karte rahe to uss shaami jasoos ko bulaya gaya usse dekh kar aap ke hosh udh gaye.

▶ Ibne ziyaad se ijazat mangi ke mujhe jaane do maiñ Hazrat Muslim ko apne ghar se nikaal dunga Ubaidulla Ziyaad ne ek na suni aap ke chehre aur sar par dande maar maar kar lahu luhaan kar diya aur qaid kar diya.

▶ Jabh Hazrate Haani ke nisbati ne kayi hazaar logoñ ke saath jo hathiyaar ke saat the governor house ko gher liya aur pukaara ke hum hukumat ke baaghi nahi lekin hamare sardar Haani ko chor do aur maar diya toh hum badla lenge.

▶ Ibne ziyaad ghabraya aur shehair ke qaazi ko bula kar Haani ko dikhaya aur kaha ke in ke qabile ke logoñ ko khabar do ke Haani zinda hai
Kisi wajah se nazar qaid kiye gaye hai.
Qaazi sahab ne hukm par amal kiya aur Haani ke qabile wale chale gaye.

▶ Hazrat Muslim ko pata chala toh baahar aa gaye apne chahnewalon ko aawaaz di. Jisse sunkar takriban 40000 log jama ho gaye aur shaahi qille ko ghair liya gaya.

▶Ye mauqa tha ke hamla kar dete toh mutthi bhar sipahiyon ko giraftaar kar ke qabzaa kar lete lekin aapne aisa nahi kiya balke gheraw kiye rakha aur baatchit ki koshish jaari rakhi ke baatchit se mamla hal ho jaye toh musalmano mein aapas mein khoon kahraaba na ho.

▶ Lekin isi mohlat ka fayda utha kar ibne ziyaad ne kuufa ke woh log jo bade qabilon ke sardar the aur qaid mein the unko dhamkaya ke tum apne apne qabile ke logoñ ko samjao ke Muslim ka saath chor de warna maiñ tum logoñ ko qatl kar dunga.

▶ Unn sardaaroñ ne aisa hi kiya aur ek ek qabile khandanon ke log hatte gaye yahañ tak ke shaam hote hote jabh aapne maghrib ki namaaz shuru ki to sirf 500 log the aur jabh salaam phera to aap ke piche ek bhi musalli na tha.
Hazrate Muslim masjid mein tanha the aur woh mehmaan khaane jahañ se baith kar kuufiyon ne khat likhe the bulane ke liye unn par bhi taale pade huwe the. Chamanistaane Rasool ﷺ ke yeh phool tanha ho chuke the.

#Taariikhe Tibri
#Sawaanahe Karbala