Tarjuma e Kanzul Imaan wa Tafseer e Khazaain ul Irfaan #554

Tarjuma e Kanzul Imaan wa Tafseer e Khazaain ul Irfaan # 554.

بسم الله الرحمن الرحيم
Assalatu Wassalamu Alayka Ya RasoolAllahﷺ

▶Note-: Quraan e paak ke tarjume ko bagair wazu na chhue, Parh sakte hai.

Contd Post # 552 & 553.
Surah Baqrah Shareef
Aayat No. 229.

▶ Tarjuma - Allah ke naam se shuru jo bahut meharban Rehmat wala.
7⃣ Phir agar tumhe khauf ho ki woh dono thik inhi hadoñ par na raheñge to un par kuch gunah nahi isme jo badla lekar aurat chhutti le yeh Allah ki hade hai inse aage na badho aur jo Allah ki hado se aage badhe to wahi log zaalim hai.

▶ Tafseer
7⃣ Yaani talaaq haasil kare shaane nuzool yeh Aayatein Jameela Bin Abdullah ke baab mein naazil huwi Ye Jameela Saabit Bin Qais Ibne Shamas ke nikah mein thi aur shohar se kamale nafrat rakhti thi Rasoole Khuda ﷺ ke Huzoor mein apne shohar ki shikayat laayi aur kisi tarah unke paas rehne par raazi na huwi tabh saabit ne kaha ki maiñe unko ek baag diya hai agar yeh mere paas rehna gawara nahi karti aur mujhse alahidgi chahti hai to wo baag mujhe wapas kare maiñ inko aazaad kar du jameea ne isko manzoor kiya saabit ne baag le liya aur talaaq de di is tarah ki talaaq ko Khula'a kehte hai.
▶ Masla – Khula'a Talaaq e Bayeen hota hai.
▶ Masla – Khula'a mein lafze khula'a ka zikr zaruri hai.
▶ Masla – Agar judaayi ki talabgaar aurat ho to Khula'a mein miqdaare mehar se jaayaz lena makrooh hai aur agar aurat ki taraf se nushjoo na ho mard hi alaahidgi chahe to mard ko talaaq
ke aiwaz maal lena mutalaqan makrooh hai.