Bahar e Shari'at #709

Bahar e Shari'at
Tayamum ke masaail #709.

بسم الله الرحمن الرحيم
Assalatu Wassalamu Alayka Ya RasoolAllah ﷺ

▶ Jiska wazu na ho ya nahaane ki zaroorat ho aur paani par qudrat na ho toh wazu aur gusl ki jagah tayamum kare.
▶ Wazu aur gusl dono ka tayamum ek hi tarah hai tayamum mein teen(3) farz hai.
1⃣ Niyyat karna - agar kisi ne haath mitti par maar kar muñh aur haathoñ par phair liya aur niyyat na ki toh tayamum na hoga.
2⃣ Saare muñh par haath pherna - saare muñh par iss tarah haath phera jayega ki tayamum ki jagah ka koi hissa baaki na reh jaaye agar baal barabar bhi koi jagah rehgayi tayamum na hoga.

Masla:- dadhi muchon aur bhavon ke baalon par haath phir jaana zaroori hai. muñh kaha se kaha tak hai humne wazu mein bayaan kar diya hai bhavon ke neeche aur ankhon ke upar jo jagah hai aur naak ke nichle hisse ka dhyaan rakhe ki agar inn par dhyaan na diya gaya toh unpar haath na phirega aur aisi haalat mein tayamum na hoga.
3⃣ Dono haathoñ ka kohniyoñ samet masah karna - isme bhi dhyaan rahe ki dono haathoñ ki zarra barabar koi jagah baaki na rahe nahi toh tayamum na hoga.

Masla - Tayamum mein sar aur paa'u ka masaah nahi hai.
▶ Ek hi baar haath maar kar muñh aur haathoñ par masah kar liya toh tayamum na huwa haan agar ek haath se saare muñh ka masah kiya aur doosre se ek haath ka aur ek haath jo bach gaya raha hai uske liye phir haath mara aur uss par masah kar liya toh hogaya magar sunnat ke khilaaf hai.