Bahar e Shari'at #716

Bahar e Shari'at
Qaza e umri ke masaail #716

بسم الله الرحمن الرحيم
Assalatu Wassalamu Alayka Ya RasoolAllah ﷺ

▶ Jiske zimme qaza namazein ho agarche unka padhna jald se jald wajib hai magar baal bacchoñ ki parvarish wagaira aur apni zarooriyat ki farahmi ke sabab takheer (deir) jayez hai toh karobaar bhi kare aur jo waqt fursatka mile usmein qaza padhta rahe yahañ tak ki poori ho jaaye.
● Masla - Qaza namaazein nawafil se ahem hai yaani jiss waqt nafl padhta hai uneiñ chordh kar unke badle qazayein padhe ki bariuzzimma ho jaaye albatta taraweeh aur 12 rakatein sunnatein mua'kaddah ki na chordhe.
● Masla - jiski namaazein qaza ho gayi aur inteqaal hogaya toh agar wasiyat kar gaya aur maal bhi chordha toh uski tihaayi se har farz wa witr ke badle nisf sa'a gehu ya ek sa'a jau tasadduq (sadqa) kare aur maal na chordha aur wursa fidya dena chahe toh kuch maal apne paas se ya qarz lekar miskeen par tasadduq karke uske kabze mein de aur miskeen apni taraf se usey hiba karde aur yeh kabza bhi karle phir yeh miskeen ko de yuñhi lot pher karte rahe.
● Masla - qazaein umri ki shab e qadr ya ramzan ke akhri jumma mein jamaat se padhte hai aur yeh samajhte hai ki umr bhar ki qazayein isi ek namaaz mein se adaa hogayi yeh sirf ghalat aqeeda hai.

#Durre Mukhtaar.